KOEYU POTY

Polka

CARLOS MIGUEL GIMÉNEZ

EMILIO BOBADILLA CÁCERES

 Porã rerekua ko’ẽ potyju ne ma’ẽ mimbíva,
che rete pirĩ reguejy hague che resa rovái.
Ndéntema vaerã che jára tee rejajái reíva,
che katu añandu amano mevémaha ne rembiguái.

Purahéi pepo kuarahy resẽgui itenondéva,
ku guyra tata maitei rory che mongyhyje.
Ijahy’opúvaicha chehegui nde rerahaséva,
che mbyja hovy, ko’ẽ reruha, tataindy paje.

Rohecha potávo ndakevéi voi, ko’ẽju poty,
mbaraka che irữ, ave ikerasy ha ne ra’ãro.
ambue kuña ndikatumo’ãiri nde rupyty,
reikove aja, mitakuñami, Tupã rembiapo.

Nde rehesape che rekovemi nde resaratápe,
nde poty vera che ñe’ã rapy ha ombopere.
Mborayhu hypy nde remoheñói ko che pyti’ãpe
ha opyta oryrýi ha iñe’ẽ asy nde korochire.

Ara resami ne rendypaitéva ko che renondépe,
péina aiporavóma ne mba’erãite che ñe’ã poty.
Tanerenoimi ha taneretữ nde páy ha nde képe,
ani tesarái ou ne mbyai, ko’ẽju poty.

Toi’ỹ ambue yvy arigua mborayhu juaju,
tuichave vaerã ko ñane mba’égui, che Tupasy,
tahe’ẽ asy aipyte aja nde yva aju,
ha nde jyva ári tasapymi, ko’ẽju poty.

ESCUCHE EN VIVO/ LISTEN ONLINE:

KOEYU POTY

Intérprete:  DÚO HNOS. CÁCERES (Emilio y Cristóbal Cáceres)

Material:  SONIDOS DE AYER (2)

Fuente: "POESÍA PARAGUAYA DE AYER Y HOY" TOMO II (GUARANÍ-ESPAÑOL) de TERESA MÉNDEZ-FAITH - Con prólogo de Lino Trinidad Sanabria - y estudio introductorio de Wolf Lustig. Ilustraciones: Carlos Federico Reyes (“Mitã’i Churi”). Intercontinental Editora, Asunción-Paraguay, 1997. 424 pp.

ENLACE A LA GALERÍA DE MÚSICA PARAGUAYA