ANGE PYHARE
Letra de APARICIO DE LOS RÍOS
Ange pyhare yvága hovy ryakuã yvoty guýpe
Rohecha ypy mba’e neporãva mborayhu memby
Chepy’arory añandu ikyrỹi ajávo ndeypýpe
Romomorãmi mba’éicha rupípa ãicha ndejuky.
Márõ nde jave che remimbyasýpe oiméne iporãva
Ha imarangatúva nde reko yvotýpe kuñataĩmi;
Nahi’ãipa ndéve che retã memby che ã reraháva
Ne rembe kyrỹi mborayhu ykuágui chemboy’umi.
Pévare ajapo ndéve purahéi ñane avañe’ẽme
Naimo’ãigui oime ambue ñe’ẽme he’ẽmbochyve;
Ha ipype ohypýi che rembiay’uhéi ysapy satĩme
Aropurahéivo ndéve aropojái mborayhupavẽ.
Nahi’ãiko che ku ijaheipy tesaráipe oikóva
Pévare aju ndéve aropojái che ñe’ẽyvoty;
Chéko avei ambueichaite aporohayhúva
Ha ndéve ğuarã che ñe’ã mbytégui péinama ipoty.
Ndoje’oiva’erã pe nde pukavy che resa’ỹikuágui
Romoñe’ẽhápe nderehe ama’ẽvo ange pyhare;
Hi’ã roañuã romokunu’ũ ko che jyva ári
Tove toikuaa mayma ohecháva che vy’apavẽ.
Nde ratypykua eirete yvu he’ẽ paha’ỹva
Yvága poty hory kangymíva nde resa jajái;
Ha ne ñemonde ryakuã potĩ hyjuipareíva
Ndejojaha’ỹva máva nde jave kuña Paraguái.
ESCUCHE EN VIVO/ LISTEN ONLINE:
ANGE PYHARE
Material: DÚO CENTURIÓN FERREIRA
Solista: ELVIS BALBUENA
VOLUMEN 8
ANGE PYHARE: Desde que vio a esa hermosa mujer, vive obsesionado por conquistar su corazón. La describe y descubre que la que le roba la paz de su alma no es una fantasía. Simboliza a la mujer paraguaya, que concentra el hechizo de su irresistible gracia en su cautivante hermosura.-
Página 61 Del libro POESIAS DEL PARAGUAY – ANTOLOGIA DESDE SUS ORIGENES – Recopiladores y autores: Raúl Amaral, María Barreto de Ramírez, Aída Ortíz de Coronel, Ela Ramona Salazar y Rudi Torga Dirección del Departamento de Arte: Lic. Raquel Ambrasath. Dirección de la obra: Oscar del Carmen Quevedo. Coordinación de la obra: Raúl Amaral. Realización y producción gráfica: ARAMÍ GRUPO EMPRESARIAL, Asunción-Paraguay. e-mail: arami@rieder.net.py
MÚSICA PARAGUAYA - Poesías, Polcas y Guaranias - ESCUCHAR EN VIVO - MP3
MUSIC PARAGUAYAN - Poems, Polkas and Guaranias - LISTEN ONLINE - MP3
