Portal Guaraní - CHE ROPEA GUÝPE - Poesía en guaraní de ELVIO ROMERO

CHE ROPEA GUÝPE

Poesía en guaraní de ELVIO ROMERO

CHE ROPEA GUÝPE

Che ropea guýpe romongéva’erã, ka’arupytũvo,

ikatu haguãicha ñembokĩ sa’ípe roñongatumi;

topea vevépe rombosarakírõ ha rombovy’árõ,

remaña che ãre, che aikuaa’ỹre, che vy’a raity.

. Nahi’ãiva chéve kerasy vai oĝuahẽ ndeykére,

. pévare ndakéi amondýi haguã pyhare pytu,

. ñamyasãi jahávo vy’a ha tory yvága ru’ãre,

. ñande pytu hóva ñañandúrõ hína ko juayhu paha.

Ysapy satĩcha otytyipaitéva kuarahy resẽme,

che ruguy mbytére jasy ha jajái resẽ rejopy,

ha che resaýpe ne kunu’ũ háicha ku avy’a’ỹrõ,

che puka pajépe rombojeguaka ha rombohory.

. Tesarái ñuatĩndýre retyryrývo reikóvo

. ambohapepa mborayhu yvu che pype guive,

. amoheñoĩmba mbyja che resáre rogueru jeývo,

. ikatu haguãicha che ropea guýpe repyta jey.

ESCUCHE EN VIVO/ LISTEN ONLINE:

CHE ROPEA GUÝPE

Intérprete: ÑAMANDÚ

Intérprete: RUDI TORGA

Música: Asunción de FEDERICO RIERA

Elvio Romero

Con mucho beneplácito incluimos su nombre en este florilegio

publicando su poesía "Che ropea guype";

un canto de amor, en el que campea su espíritu romántico, tierno y delicado.
P.

Fuente: LAS CIEN MEJORES POESÍAS EN GUARANÍ .

Con nuevas incorporaciones y grafía actualizada.

Asunción-Paraguay 1997 – 425 páginas.

ENLACE A LA GALERÍA DE MÚSICA PARAGUAYA

EN PORTALGUARANI.COM

(Hacer CLICK sobre la imagen)

MÚSICA PARAGUAYA - Poesías, Polcas y Guaranias - ESCUCHAR EN VIVO - MP3

MUSIC PARAGUAYAN - Poems, Polkas and Guaranias - LISTEN ONLINE - MP3

ELVIO ROMERO (+)